ကိုယ်အင်္ဂါထိခိုက်မှုအာမခံ

ရည်ရွယ်ချက်

မတော်တဆထိခိုက်မှုကြောင့် သေဆုံးခြင်း၊ဒဏ်ရာရခြင်းနှင့် ထာဝစဉ်မစွမ်းမသန်ဖြစ်ခြင်းတို့အတွက် ငွေကြေးအား ဖြင့် အထောက်အပံ့ရရှိစေရန်။

အာမခံထားနိုင်သူ

ကျန်းမာရေးကောင်းမွန်သူတိုင်း အာမခံထားရှိနိုင်ပါသည်။

အသက်ကန့်သတ်ချက်

အသက် (၁၆)နှစ်မှ (၆၅)နှစ်အတွင်း မျက်မြင်အားဖြင့် ကျန်းမာရေးကောင်းမွန်သူတိုင်း အာမခံထားရှိနိုင်ပါသည်။ အရွယ်မရောက်သေးသူများအတွက် မိဘ (သို့) အုပ်ထိန်းသူက ထားရှိပေးနိုင်ပါသည်။

အာမခံသက်တမ်း

(၃)လ၊ (၆)လ၊ (၁)နှစ်။

အာမခံထားငွေ

အနည်းဆုံးကျပ် (၅)သိန်းမှ အများဆုံးကျပ်သိန်း (၂ဝဝ)အထိ (သို့မဟုတ်) အမေရိကန်ဒေါ်လာ (၁ဝဝဝ) မှ (၂ဝဝဝ) အထိ ထားရှိနိုင်ပါသည်။

အာမခံပရီမီယံကြေး

အာမခံထားငွေ၏ ဝ.၇% (သာမာန်လုပ်ငန်းခွင်)

အာမခံထားငွေ၏ ၁%     (တပ်မတော်၊ပြည်သူ့ရဲ၊လေယာဉ်ဝန်ထမ်း၊လျှပ်စစ်ဝန်ထမ်း စသောအန္တရာယ်များသည့်                                                                                                                                                     အလုပ်လုပ်ကိုင်သူများ)

အာမခံသက်တမ်း၃လ၊၆လအတွက် (၁)နှစ်သက်တမ်း၏အချိုးကျပရီမီယံပေးသွင်းရမည်ဖြစ်ပါသည်။

ပရီမီယံပေးသွင်းခြင်း

ကျသင့်ပရီမီယံကို တစ်လုံးတည်းပေးသွင်းရမည်ဖြစ်ပါသည်။

အကျိုးခံစားခွင့်ရာခိုင်နှုန်းများ

                                                                                                                                                                                    အာမခံထားငွေပေါ်တွင်

၁။ သေဆုံးခြင်း                                                                                                                                                                         ၁ဝဝ %

၂။ ထာဝစဉ်မစွမ်းမသန်ဖြစ်ခြင်း                                                                                                                                                ၁ဝဝ %

၃။ လက်မောင်းရင်းမှ လက်ကောက်ဝတ်အထိတစ်နေရာရာမှ လက်နှစ်ဖက် လုံးဝပြတ်ခြင်း                                                        ၁ဝဝ %

၄။ ပေါင်ရင်းမှ ခြေချင်းဝတ်အထိ တစ်နေရာရာမှ ခြေနှစ်ဖက်လုံးဝပြတ်ခြင်း                                                                               ၁ဝဝ %

၅။ မျက်စေ့နှစ်ဖက်လုံးဝကွယ်ခြင်း                                                                                                                                            ၁ဝဝ %

၆။ မျက်နှာနှင့်ဦးခေါင်းပိုင်းရုပ်ဆင်းအင်္ဂါပျက်ခြင်း                                                                                                                     ၅ဝ %

၇။ နားနှစ်ဖက်လုံးဝပင်းခြင်း                                                                                                                                                    ၅ဝ %

၈။ ခါးရိုးကျိုးခြင်း                                                                                                                                                                      ၅ဝ %

၉။ လည်ပင်းရိုးကျိုးခြင်း                                                                                                                                                           ၅ဝ %

အကျိုးခံစားခွင့်

မတော်တဆထိခိုက်မှုကြောင့် သေဆုံးခြင်း၊ထာဝစဉ်မစွမ်းမသန်ဖြစ်ခြင်းတို့အတွက် အာမခံထားငွေအတိုင်းအပြည့် ခံစားနိုင်ပြီး ထိခိုက်ဒဏ်ရာရခြင်းများအတွက် ထိခိုက်မှုဖြစ်စဉ်အလိုက် သတ်မှတ်ထားသော ရာခိုင်နှုန်းအတိုင်း ခံစားခွင့်ပြုမည်ဖြစ်ပါသည်။ ထိခိုက်ဒဏ်ရာရခြင်းကြောင့် ဆေးရုံတက်ရခြင်းအတွက် ရက်သတ္တတစ်ပတ်လျှင် အာမခံထားငွေ၏ ၃% ဖြင့် အများဆုံးအာမခံထားငွေ၏ ၁၅% ထက်မပိုသောငွေကြေး။

ထိခိုက်ဒဏ်ရာရခြင်းကြောင့် အလုပ်မလုပ်နိုင်ခြင်းအတွက် ရက်သတ္တတစ်ပတ်လျှင် အာမခံထားငွေ၏ ၃% ဖြင့် အများဆုံးအာမခံထားငွေ၏ ၁၅% ထက်မပိုသောငွေကြေး။

အကျိုးခံစားခွင့် မရနိုင်သောကိစ္စရပ်များ

ကြိုတင်ကြံရွယ်ချက်ဖြင့် မိမိကိုယ်ကိုဒဏ်ရာအနာတရဖြစ်စေခြင်း။

မစွမ်းမသန်ဖြစ်စေခြင်းနှင့် သေဆုံးခြင်း။

မူးယစ်ဆေးဝါး သုံးစွဲထားခြင်းကြောင့် ဒဏ်ရာအနာတရဖြစ်ခြင်း၊ မစွမ်းမသန်ဖြစ်ခြင်းနှင့် သေဆုံးခြင်း။

ရောဂါကြောင့် သေဆုံးခြင်း၊ မစွမ်းမသန်ဖြစ်ခြင်း။

စစ်ဖြစ်ပွားခြင်း၊ စစ်အသွင်တိုက်ခိုက်ခြင်း၊ ပြည်တွင်းစစ်၊ ပုန်ကန်ခြင်း၊ အဓိကရုဏ်း (သို့) လူထုအုံကြွခြင်း၊ သောင်းကျန်းခြင်း၊ သူပုန်ထခြင်း၊ တော်လှန်ရေး၊ စစ်အမိန့်ထုတ်ပြန်ခြင်း (သို့) သိမ်းပိုက်ထားခြင်း၊ ပြည်တွင်းဆူပူ သောင်းကျန်းခြင်းနှင့် ၎င်းတို့၏အကျိုးဆက်များကြောင့် ဒဏ်ရာရရှိခြင်း၊ မစွမ်းမသန်ဖြစ်ခြင်းနှင့် သေဆုံးခြင်း။

လျော်ကြေးပေါ်ပေါက်ပါက ဆောင်ရွက်ရန်အချက်များ

သေဆုံးခြင်း

• ပေါ်လစီစာချုပ်မူရင်း
• အကြောင်းကြားစာ
• အကျိုးခံစားခွင့်တောင်းခံလွှာ
• အာမခံထားသူနှင့်အကျိုးခံစားခွင့်ရှိသူ၏ မှတ်ပုံတင်မိတ္တူ
• ဆေးကုသသော ဆေးရုံ၏ထောက်ခံချက်
• သေစာရင်းမိတ္တူ
• ရဲစခန်းထောက်ခံချက် (ရဲမှုဖြစ်လျှင်)

ဒဏ်ရာရရှိခြင်း

• အကြောင်းကြားစာ
• အကျိုးခံစားခွင့်တောင်းခံလွှာ
• အာမခံထားသူ၏ မှတ်ပုံတင်မိတ္တူ
• ဆေးကုသသော ဆေးရုံ၏ထောက်ခံချက်

ရဲစခန်းထောက်ခံချက် (ရဲမှုဖြစ်လျှင်)