ဂလိုဘယ်ဝေါ(လ်)အာမခံကုမ္ပဏီမှ ထူးချွန်သောအာမခံကိုယ်စားလှယ်တော်ကြီးများကို ဆုချီးမြင့်သည့် Bridging Trust - A Night of Recognition ပွဲကြီးကို နေပြည်တော် Horizon Lake View Hotel ၌ ကျင်းပပြုလုပ်ခဲ့ပါသည်။

အဆိုပါပွဲအတွက် ခရီးစဉ်ကို 14-2-2025 ရက်နေ့မနက်၌ ရန်ကုန်မြို့မှစတင်ထွက်ခွာခဲ့ပြီး  ညနေပိုင်းတွင်နေပြည်တော်မြို့သို့ရောက်ရှိကာ ညပိုင်းတွင် Pool Party ပွဲကို ကျင်းပခြင်း၊ 15-2-2025 ရက်နေ့မနက်ခင်းတွင် Zumba ကခြင်း၊ Parsel ဂိမ်းကစားခြင်းနှင့် အပြေးပြိုင်ခြင်း၊ နေ့လည်ခင်းတွင် နေပြည်တော်ရှိ ဘုရားများသို့သွားရောက်ဖူးမြှော်ခြင်းတို့ကို လုပ်ဆောင်ခဲ့ကြပါသည်။

15.2.2025 ရက်နေ့ ညပိုင်းတွင် ထူးချွန်သော အာမခံကိုယ်စားလှယ်တော်ကြီးများကို ဆုချီးမြင့်သည့် Bridging Trust - A Night of Recognition ပွဲကြီးကိုကျင်းပခဲ့ပြီး အဆိုပါပွဲတွင် Agents ကြီးများအား ဆုချီးမြင့်ခြင်း၊ အကအလှများဖြင့်ဖျော်ဖြေခြင်း၊ တီးဝိုင်းဖြင့် သီဆိုဖျော်ဖြေခြင်း၊ ကံစမ်းမဲများဖောက်ပေးခြင်းအစရှိသည့် အစီအစဉ်ပေါင်းများစွာဖြင့် ကျင်းပပြုလုပ်ခဲ့ပါသည်။

16.2.2025 ရက်နေ့မနက်ခင်းတွင် နေပြည်တော်မှ ရန်ကုန်သို့ ကားဖြင့် ထွက်ခွာခဲ့ကြပြီး ခရီးစဉ်ကို ပျော်ရွှင်စွာအဆုံးသတ်ခဲ့ကြပါသည်။